"I Promessi Sposi"
TAVOLA 5

"E tì, car el mè Renzo, anca tì...
per la toa rabbia e quella del malnatt,
anca per tì l'è fòrsi mej sparì.
Gh'è semper temp per resegà el pilatt.
Gh'è on fraa Bonaventura giò a Milan...
Chì gh'è on bigliett... toeu, daghel in di man.

...Lù el te farà pader, l'è on gran fraa
fintant che chì se balca i grann d'incoeu.
Adess scapii da quell indemoniaa...
In riva al lagh ve spetta on barchiroeu.
De l'altra part gh'è gemò là on biròcc...
andee, andee... intant che l'è an'mò nòcc."

Tirava nanca on ciccinin de vent
e i nòster trii guardaven con amor
i mont, i cà, la vigna e, magonent,
perfinn el Palazòtt de quell tal scior
che sott la luna quasi el se sgrandiva
come ona bestia tròpp vendicativa.

Coi oeucc velaa de lacrim, la Lucia,
la cercottava l'òrt, el fich, la cà,
la soa finestra e tutta l'armonia
del sò paes che l'era 'dree lassà.
L'ha poggiaa el coo sui brasc e l'ha piangiuu
per tucc i dispiesè che la gh'avuu.

Quanta malinconia gh'è in la ment
de chi l'è vegnuu al mond e l'è cressuu
in mezz ai mont che adess, cont on lament,
ghe tocca saludà col coeur spongiuu.
Come l'è brutt el pass d'on pòr cristian
ch'el dev lassà i sò gent e andà lontan.

 

  

"E tu, caro il mio Renzo, anche tu...
per la tua rabbia e quella del malfattore,
anche per te è forse meglio sparire.
C'è sempre tempo per sistemare il porco.
C'è un frate Bonaventura giù a Milano...
Qui c'è un biglietto... prendi, daglielo in mano.

Lui ti farà da padre, è un grande monaco...
finché qui si calmano le grane d'oggi.
Ora fuggite da quell'indemoniato...
In riva al lago vi attende un barcaiolo.
Dall'altra parte c'è già un barroccio....
Andate, andate... mentre è ancora notte....

Non spirava un alito di vento
e i nostri tre guardavano con amore
i monti, le case, la vigna e, accorati,
perfino il Palazzotto di quel tal signore,
che sotto la luna quasi ingigantiva
come una belva assai vendicativa.

Con gli occhi velati di lacrime, Lucia
ricercava l'orto, il fico, la casa,
la sua finestra e tutta l'armonia
del suo paese che stava lasciando.
Ha posato il capo sulle braccia e ha pianto
per tutti i dispiaceri avuti.

Quanta malinconia c'è nella mente
di chi è nato e cresciuto
in mezzo ai monti che ora, con un lamento,
gli tocca salutare con il cuore trafitto.
Come è triste il passo di un povero cristiano
che deve lasciare la sua gente e andar lontano.