"I Promessi Sposi"
TAVOLA 3

Che fussen però là a spettà on quejvun
'dess l'era pù on'idea né on sospett,
perchè, a part el pret, gh'era nissun.
E al don Abbondio gh'è mancaa el bofett...
Disii quell che vorii, ma sacranon,
el pret el s'è mettuu in agitazion.

L'è stada 'na freguda de illusion
pensà che fussen lì a ciappà on poo d'aria.
Lì gh'è vegnuu la voeuda, col magon,
de dass on'indulgenza sussidiaria
in del vedè che quei s'eren vardaa
come per di: "el riva el scior curaa".

Difatti l'era ciara, quij duu là
s'eren drizzaa, e adess guardaven lù.
I gamb del pret han cominciaa a tremà
quand lor, con fà decis, l'han serciaa-sù.
Quanti paur, Signor, quanti penser
faa-sù in del coo, compagn de tant ragner.

Vun de quij duu el ghe pienta i oeucc in faccia:
"Emm sentuu dì che lù el gh'avria intenzion..."
- e li el pòr pret l'usmava ona minaccia -
"de maridà duu fioeu con la fonzion...
l'è vera si ò nò?... parlemes ciar...
doman voeurom nissun sora l'altar."

"Ma si... ma nò..." - cont on vosin strozzaa
el pret el bettegava instupidii -
"gh'entri nagòtt, hin lor ¢he, desgarbiaa,
pienten pastiss... e... mi m'han inciocchii..."
"Inscì me pias! Lù l'ha capida tutta...
se se sposassen... lù se le ved brutta."

 

  

Che però fossero lì ad aspettare qualcuno
ora non era più un'idea né un sospetto,
perchè, a parte il prete, non c'era nessuno.
E a don Abbondio è mancato il respiro...
Dite ciò che volete, ma perbacco,
il prete si è messo in agitazione.

È stata una briciola d'illusione
pensare che fossero lì a prendere un pò d'aria.
A quel punto gli è venuto il desiderio, col magone,
di darsi un'indulgenza sussidiaria
nel vedere che quelli si erano guardati
come per dire: "arriva il signor curato"

Infatti era chiaro, quei due là
si erano drizzati, e adesso lo guardavano.
Le gambe del prete han cominciato a tremare
quando loro, con fare deciso, lo hanno accerchiato.
Quante paure, Signore, quanti pensieri
aggrovigliati nella testa come tante ragnatele.

Uno dei due gli pianta gli occhi in viso:
"Abbiamo sentito dire che lei avrebbe intenzione..."
- e lì il povero prete percepiva una minaccia -
"di maritare due giovani con la funzione...
è vero si o no? ... parliamoci chiaro...
domani non vogliamo nessuno sopra l'altare."

"Ma si... ma no..." - con una vocina strozzata
il prete balbettava instupidito -
"... io non c'entro per nulla... sono loro che, sgarbati,
fanno i pasticci... e... io mi hanno utriacato..."
"Così mi piace ! Lei ha capito tutto...
se si sposassero... lei se la vedrebbe brutta."